Трамп назваў Пуціна «разумным чалавекам, які хацеў міру»

Новая скандальная заява ад экс-прэзідэнта ЗША.

Экс-прэзідэнт ЗША, магчымы кандыдат ад Рэспубліканскай партыі на выбарах прэзідэнта Дональд Трамп вызначыўся скандальнай заявай.

Экс-прэзідэнт ЗША прыгадаў свае перамовы з Пуціным і сказаў:

- Я раней гаварыў з ім. Я добра ладзіў з ім. Ён хацеў міру. Цяпер ён, відаць, атрымае ўсё. Вы бачылі: прэзідэнт Сі (лідэр Кітая - рэдакцыя) - разумны, прэзідэнт Пуцін - разумны. Разумныя людзі стаялі і абмяркоўвалі сусветны парадак на наступныя 100 год.

Як пісаў сайт Charter97.org, Трамп абяцае закончыць вайну ва Украіне праз 24 гадзіны пасля абрання прэзідэнтам ЗША. Ён абвінавачвае цяперашняга кіраўніка Белага дома Джозэфа Байдэна ў тым, што той «не вядзе перамовы з Пуціным».