Канада падаўжае выключныя санкцыі супраць Лукашэнкі
2- 29.03.2023, 10:44
- 7,498
Такія меры прымаліся толькі ў дачыненні да Паўночнай Карэі.
Канада прадоўжыць на нявызначаны тэрмін уведзенае год таму скасаванне рэжыму найбольшага спрыяння імпарту з Беларусі і РФ. Такую выснову можна зрабіць, азнаёміўшыся з праектам канадскага бюджэту на 2023 фінансавы год, піша OL.
Праект бюджэту-2023 прадугледжвае папраўку ў мытны тарыф. Гэта на нявызначаны тэрмін падоўжыць скасаванне прэферэнцыйнага тарыфнага рэжыму найбольшага спрыяння для беларускага і расейскага імпарту.
Канада спыніла дзеянне статусу спрыяння ў гандлі з Беларуссю ў сакавіку 2022 года - з таго часу ўвоз тавараў з нашай краіны абкладаецца мытай на 35%.
Падобныя меры Канада прымала толькі ў дачыненні да КНДР.
Раней паведамлялася, што Канада ў лістападзе 2022-га пашырыла санкцыі ў дачыненні да Беларусі: пад абмежаваннямі быў шэраг беларускіх банкаў: БНБ, Банк развіцця Рэспублікі Беларусь, Альфа Банк (Беларусь), МТБанк, Парытэтбанк.