2 сакавiка 2024, Субота, 23:43
Падтрымайце
сайт
Сім сім,
Хартыя 97!
Рубрыкі

Пракурор запытаў для Валерыя Цапкалы 19 гадоў калоніі

24
Пракурор запытаў для Валерыя Цапкалы 19 гадоў калоніі
ВАЛЕРЫЙ ЦАПКАЛА

Завочны працэс над палітыкам пачаўся 1 сакавіка.

У Менску працягваецца разгляд крымінальнай справы прэтэндэнта ў кандыдаты на прэзідэнцкіх выбарах 2020 года Валерыя Цапкала. 29 сакавіка прайшлі спрэчкі бакоў.

Пракурор папрасіў суд прызнаць палітыка, якога судзяць завочна, вінаватым і прызначыць яму 19 гадоў пазбаўлення волі са штрафам 1000 базавых адзінак (37 000 рублёў).

Нагадаем, завочны працэс над былым кіраўніком Парка высокіх тэхналогій Валерыем Цапкалам пачаўся 1 сакавіка. Яго судзяць як за дзеянні, нібы ўчыненыя ім яшчэ на пасадзе дырэктара Парка высокіх тэхналогій, так і за палітычную дзейнасць.

Выніковае абвінавачанне Валерыю Цапкалу было выстаўленае паводле дзявяці артыкулаў Крымінальнага кодэкса:

атрыманне хабару ў асабліва значнай суме (ч.3 арт.430);

злоўжыванне службовымі паўнамоцтвамі з карыслівай і асабістай зацікаўленасці, якое прывяло да прычынення шкоды ў значнай суме, істотнай шкоды дзяржаўным і грамадскім інтарэсам (ч.2 арт.424);

загадзя ілжывы данос аб учыненні злачынства (ч.1 арт.400);

публічныя заклікі да захопу дзяржаўнай улады, акту тэрарызму, іншых дзеянняў, накіраваных на прычыненне шкоды нацыянальнай бяспецы (ч.3 арт.361);

стварэнне экстрэмісцкага фармавання і кіраўніцтва ім (ч.1 арт.361-1);

фінансаванне экстрэмісцкай дзейнасці (ч.2 арт.361-2);

паклёп на Аляксандра Лукашэнку (ч.2 арт.367);

публічная абраза Лукашэнкі (ч.2 арт.368);

дыскрэдытацыя Рэспублікі Беларусь (арт.369-1).

Напісаць каментар 24

Таксама сачыце за акаўнтамі Charter97.org у сацыяльных сетках