Беларусы змогуць задарма адправіць да 8 Сакавіка паштоўкі праз «Белпошту»

У межах акцыі можна даслаць паштоўкі палітычным вязням.

У кампаніі "Белпошта" праводзяць святочную акцыю і прапаноўваюць беларусам задарма даслаць віншавальныя паштоўкі да Міжнароднага жаночага дня 8 Сакавіка. Акцыя "Вясновы камплімент" стартуе найбліжэйшымі днямі, піша тэлеграм-канал "Белпошты".

Акцыю правядуць у асобных аддзяленнях паштовай сувязі ў Беларусі. Так, беларусы змогуць самі выбраць і падпісаць паштоўку родзічам з 8 Сакавіка, а даслаць яе адрасату можна будзе абсалютна бясплатна.

- У Менску акцыя будзе праходзіць 6 сакавіка ў Менскім паштамце, што размешчаны на праспекце Незалежнасці, 10. Адправіць паштоўку задарма будзе магчыма з 10.00 да 12.00 гадзін, а таксама з 17.00 да 19.00, - растлумачылі ў прэсавай службе.