ЗША даюць Украіне новы пакет вайсковай дапамогі
2- 3.03.2023, 21:54
- 4,484
На $400 млн.
ЗША выдаюць Украіне новы пакет вайсковай дапамогі на $400 млн. Пра гэта ў Twitter 3 сакавіка паведаміў карэспандэнт Voice of America Джэф Сэлдзін.
Журналіст спасылаецца на прэсавы рэліз з заявай дзяржаўнага сакратара Энтані Блінкена.
У дакуменце пазначана, што гэта 33-і пакет вайсковай дапамогі са жніўня 2021 года. Ён змяшчае больш баявых прыпасаў для рэактыўных сістэм залпавага агню HіMARS і гаўбіц, якія ўкраінцы "ўжываюць вельмі эфектыўна для сваёй абароны", баявыя прыпасы для панцырных машын Bradley ды іншае.
Блінкен таксама нагадаў, што ЗША працягваюць кансалідацыю міжнароднай падтрымкі Украіны, і зараз яе падтрымліваюць больш за 50 дзяржаў.
Кіраўнік Сядзібы прэзідэнта Украіны Андрэй Ярмак таксама паведаміў у Telegram аб новым пакеце вайсковай дапамогі ЗША.