Экс-уладальніку Mcdonald's у Беларусі далі 8 гадоў пазбаўлення волі

У яго канфіскуюць маёмасць.

Уладальніка франшызы McDonald's у Беларусі і Казахстане алігарха Кайрата Баранбаева 31 сакавіка суд у Астане прыгаварыў да васьмі гадоў пазбаўлення волі з канфіскацыяй маёмасці, піша «Зеркало».

Баранабаева і іншых фігурантаў паводле справы прызналі вінаватымі ў крадзяжы 14,5 млрд тэнге пры перапродажы газу.

Яму прызначылі пакаранне ў выглядзе васьмі гадоў пазбаўлення волі з канфіскацыяй маёмасці, з пажыццёвым пазбаўленнем права займаць пасады на дзяржслужбе. Адбываць тэрмін ён будзе ў калоніі.

Нагадаем, Кайрат Баранбаеў - уладальнік франшызы Mcdonald's і ў Беларусі, і ў Казахстане. Гэта бацька Алімы Баранбаевай, былой нявесткі дачкі экс-прэзідэнта Казахстана Нурсултана Назарбаева - Дарыгі Назарбаевай. Яго затрымалі ў сакавіку 2022 года. Два гады таму ён займаў 14-е месца ў спісе 50 найбагацейшых бізнэсоўцаў Казахстана.

Цяпер беларускі экс-McDonald's працуе пад назвай кампаніі, якая валодае франшызай, - «КСБ Віктары Рэстараны».