22 лютага 2024, Чацвер, 19:41
Падтрымайце
сайт
Сім сім,
Хартыя 97!
Рубрыкі

Зяленскі пракаментаваў намер Расеі размясціць ядзерную зброю ў Беларусі

9
Зяленскі пракаментаваў намер Расеі размясціць ядзерную зброю ў Беларусі
УЛАДЗІМІР ЗЯЛЕНСКІ

Лукашэнка ўжо не вызначае, якая зброя размяшчаецца на ягонай тэрыторыі.

Прэзідэнт Украіны Уладзімір Зяленскі пракаментаваў намер расейскага дыктатара Уладзіміра Пуціна размясціць ядзерную зброю ў Беларусі, заявіўшы, што яна з'яўляецца сведчаннем таго, што сустрэча Пуціна з лідарам Кітая Сі Цзіньпінам была няўдалай.

«Сігнал, што Расея будзе размяшчаць ядзерную зброю на тэрыторыі Беларусі, будзе сведчыць пра няўдалую сустрэчу (прэзідэнта РФ – рэд.) з Кітаем», – заявіў Зяленскі на прэс-канферэнцыі з прэзідэнтам Малдовы і прэм'ер-міністрамі Харватыі, Славеніі і Славакіі ў Кіеве.

Паводле словаў прэзідэнта Украіны, гэта трэба Пуціну, каб паказаць пэўную суб'ектнасць, якую Расея пад ягоным кіраўніцтвам поўнасцю страціла.

Таксама, паводле словаў Зяленскага, расейскі дыктатар хоча паказаць нейкія палітычныя крокі і перамогі.

«На полі бою не здолеў гэтага зрабіць. І нават нягледзячы на тое, што яны (РФ – рэд.) пачалі такую крывавую вайну, цалкам зразумела, чым яна скончыцца. Пытанне ў тым, што ён не шкадуе нашых людзей і забівае іх. Але ён не лічыць і сваіх людзей. Хоць гэта ўжо справы РФ», – сказаў прэзідэнт Украіны.

Зяленскі таксама заявіў, што размяшчэнне Расеяй ядзернай зброі ў Беларусі сведчыць пра поўную страту Аляксандрам Лукашэнкам якой-небудзь суб'ектнасці.

«Ён ужо не вызначае, якая зброя знаходзіцца на яе тэрыторыі», – адзначыў прэзідэнт Украіны.

Напісаць каментар 9

Таксама сачыце за акаўнтамі Charter97.org у сацыяльных сетках