Эксперты ў аўтамабільнай бяспецы назвалі найлепшыя машыны 2023 года

Адна з іх – Dodge Charger.

Эксперты ў аўтамабільнай бяспецы назвалі найлепшыя аўтамабілі 2023 года. Адна з самых выдатных рысаў сучаснай аўтамабільнай прамысловасці – гэта тое, наколькі далёка прасунуліся канструктары і інжынеры ў пытаннях бяспекі. З тых часоў, як у канцы 1950-х гадоў Volvo і Mercedes сталі піянерамі ў вобласці тэхналогій бяспекі, укараніўшы рамяні бяспекі і зоны змінання, імкненне стварыць самы бяспечны аўтамабіль не спынялася.

Нацыянальная адміністрацыя бяспекі дарожнага руху ЗША NHTSA апублікавала падборку самых бяспечных аўтамабіляў.

Toyota Avalon

Avalon быў ацэнены NHTSA як адзін з самых бяспечных аўтамабіляў сярод вялікіх седанаў 2023 мадэльнага года. Аўтамабіль атрымаў 5 з 5 балаў у рэйтынгу бакавых сутыкненняў, рызыка перакульвання складае ўсяго 10,5%. Avalon атрымаў агульны 5-зоркавы рэйтынг бяспекі NHTSA у тым ліку за шэраг сучасных функцый, напрыклад аўтаматычнае экстраннае тармажэнне і папярэджанне пра крыжаваны рух.

Honda Accord

Accord зраўняўся з Toyota Avalon у бяспецы. Японскія брэнды прадаўжаюць уражваць у сегменце звычайных седанаў. Accord прадаецца з 1970-х гадоў, і ў 2023 годзе ён сапраўды дасягнуў свайго піка ў галіне бяспекі пасажыраў, а таксама агульнай дынамікі руху і інжынернай вытанчанасці. Accord – выдатны аўтамабіль, які атрымаў 5 зорак ва ўсіх катэгорыях тэставання.

Honda Civic

Адразу дзве мадэлі Honda патрапілі ў гэтую падборку. Вытворца дамогся вынікаў, што ўражваюць, з папулярнай мадэллю Civic, зрабіўшы яе адным з самых бяспечных аўтамабіляў у сегменце хэтчбэкаў. Мадэль атрымала 4 зоркі за франтальнае сутыкненне і 5 зорак за ўсе астатнія тэсты. Рызыка перакульвання складае ўсяго 9,5%.

Mazda 3

Разам з Civic, Mazda 3 таксама ўваходзіць у лік самых бяспечных хэтчбэкаў паводле звестак NHTSA. Прыгожа аформлены хэтчбэк атрымаў 5 зорак ва ўсіх параметрах. Падобна, што Mazda 3 настолькі ж бяспечная для перасоўвання, наколькі выдатная з выгляду.

Dodge Charger

Dodge Charger быў адным з асноўных амерыканскіх седанаў з моманту адраджэння культавай мадэлі ў сярэдзіне 2000-х гадоў. Ён быў папулярны не толькі сярод звычайных пакупнікоў, але і сярод паліцыянтаў. Таму ўпэўненасць у тым, што прадстаўнікі закону ездзяць на адным з самых бяспечных аўтамабіляў, гаворыць пра надзейнасць. Charger атрымаў адзнаку за франтальнае сутыкненне 4 зоркі, а ў астатніх тэстах – 5. NHTSA спадабалася мноства даступных функцый бяспекі, напрыклад экстраннае тармажэнне і дапамога пры руху па паласе.

Nissan Maxima

Сярод вялікіх аўтамабіляў Maxima атрымаў 5 зорак ад NHTSA і найвышэйшую адзнаку за бяспеку. Maxima ўразіла доўгім спісам абсталявання бяспекі, які на 2023 год уключае ў сябе маніторынг увагі кіроўцы і камеру аб'ёмнага агляду.

Volkswagen ID4

NHTSA аднесла цалкам электрычны аўтамабіль Volkswagen да ліку самых бяспечных электрамабіляў на рынку ў 2023 годзе. ID4 атрымаў 4 зоркі пры перакульванні, і гэта выдатны паказнік. Наяўнасць сістэмы папярэджання аб папярэднім сутыкненні робіць EV Volkswagen адным з самых бяспечных аўтамабіляў у сваім сегменце. Многія людзі з зразумелых прычынаў скептычна ставяцца да агульнай бяспекі электрамабіляў у выпадку аварыі, але ID4 зрабіў уражанне на суддзяў у бяспецы, атрымаўшы 5 зорак у агульным рэйтынгу.

Ford Expedition

У сегменце буйных шыкоўных пазадарожнікаў канкурэнтаў пасунуў Expedition. Гэта адна з самых вялікіх мадэляў і пазадарожнікаў Ford. Апроч набору функцый, што ўражваюць, ён атрымаў такі самы ўражвальны рэйтынг бяспекі. Ён зарабіў 4 зоркі ў тэсце на пераварочванне і 5 зорак у іншых тэстах дзякуючы шырокаму набору электронных памочнікаў. Напрыклад, сістэмы арыентацыі ў паласе руху і дапамогі пры руленні.

Honda Ridgeline

Папулярны сярэднепамерны грузавік ад Honda афіцыйна атрымаў 5-зоркавы рэйтынг усебаковай бяспекі. А вось ягоныя канкурэнты Chevrolet Colorado і Ford Ranger не змаглі дамагчыся такіх высокіх вынікаў. Аднак неўзабаве ў амерыканскіх спаборнікаў павінны з'явіцца новыя версіі і тады расстаноўка сілаў можа змяніцца.

Honda Odyssey

Дзякуючы абнаўленню ў 2021 годзе, Odyssey можа пахваліцца найлепшай бяспекай у сегменце мінівэнаў ад NHTSA у 2023 годзе. Ён атрымаў 4 зоркі за перакульванне і 5 зорак у іншых тэстах і тым самым абагнаў сваіх канкурэнтаў. Мэтавая аўдыторыя Odyssey – сем'і з вялікай колькасцю чалавек, якія шукаюць максімальна бяспечныя машыны. Honda бездакорна справілася з гэтай задачай.