З Чачні ўсё пачалося, Чачнёй усё і скончыцца

Як можа пачацца распад Расеі?

Пытанне аб распадзе Расеі, якога нібыта жадаюць злыя сілы на Захадзе, паднятае Пуціным, і навіны з Чачні адна цікавейшая за другую (накшталт віншаванні Пуціна «маладым») наклаліся адна на адну. Я часта казаў пра тое, што пуцінскі рэжым мае ў сваёй аснове ін'екцыю Чачні, якая дазволіла Пуціну стаць у вачах забітага «версальскім сіндромам» насельніцтва чымсьці накшталт новага Ярмолава.

Пасля гэтай ін'екцыі зрабілі бустэр Крымам і канчаткова дабілі вайной з Украінай. У выніку імунная сістэма Расеі разбітая дашчэнту, і зараз любы прахадны вірус можа быць для яе смяротным.

Таму інтуіцыя падказвае мне, што калі пачнецца гэты «распад», то здарыцца гэта зусім не на віну Захаду. З Чачні ўсё пачалося, Чачнёй усё і скончыцца.

І вось учора да таго, што я дагэтуль адчуваў на інтуітыўным узроўні, дадаліся сякія-такія аргументы. Справа ў тым, што Чачня - гэта «асаблівы выпадак», і ў яе выпадку казаць пра аддзяленне позна.

Рэальнасць даўно ў тым, што Чачня з'яўляецца фактычна незалежным ад Расеі дзяржаўным утварэннем, сувязь якой з Расеяй забяспечваецца выключна асабістай уніяй паміж Пуціным і Кадыравым (як у раннім сярэднявеччы).

Таму ў крытычнай сітуацыі дылема будзе складацца не ў тым, адлучыцца Чачня ці не, а ў тым, ці ўз'ядноўвацца ёй з Расеяй назад ці прызнаваць статус-кво.

Уладзімір Пастухоў, Telegram