23 лютага 2024, Пятніца, 15:30
Падтрымайце
сайт
Сім сім,
Хартыя 97!
Рубрыкі

Зяленскі ўвёў новыя санкцыі супраць Расеі

8
Зяленскі ўвёў новыя санкцыі супраць Расеі

Яны будуць дзейнічаць 10 год.

Прэзідэнт Украіны Уладзімір Зяленскі ўвёў у дзеянне санкцыі ў дачыненні да былога кіраўніка ўкраінскай кампаніі «Матор Січ» Вячаслава Багуслаева, які выявіўся здраднікам, і сотняў фізічных асоб. Пад абмежаванні таксама патрапілі сотні кампаній і арганізацый з РФ і акупаваных тэрыторый, у тым ліку расейскае Мінфінансаў і Савет Федэрацыі, піша «Уніян».

Згодна з указам Зяленскага, які апублікавалі 1 красавіка на сайце Офіса прэзідэнта Украіны, у санкцыйны спіс патрапілі больш за 230 чалавек, у тым ліку Багуслаеў, кіраўнік Управы МУС Украіны ў Чаркаскай вобласці Уладзімір Ліпандзін і яшчэ некалькі ўкраінцаў, а таксама грамадзяне Ірана.

Акрамя таго, санкцыі ўвялі супраць больш чым 350 кампаній з Расейскай Федэрацыі, а таксама адносна адной кампаніі з часова акупаванага Мелітопаля. Сярод арганізацый, якія трапілі пад абмежаванні, Мінфін РФ і Савет Федэрацыі Федэральнага сходу РФ. Таксама ў спіс патрапіла іранская кампанія.

Усе санкцыі будуць дзейнічаць 10 год.

Справа Багуслаева - што вядома

23 кастрычніка 2022 года СБУ затрымала прэзідэнта кампаніі «Матор Січ», экс-нардэпа Вячаслава Багуслаева паводле падазрэння ў працы на Маскву.

24 кастрычніка апублікавалі аўдыёзапісы тэлефонных размоваў Багуслаева, якія даводзілі працу на РФ. Ён працягваў пастаўляць рухавікі і іншыя запчасткі да ўдарных верталётаў войска РФ пасля поўнамаштабнага ўварвання Расеі ва Украіну.

Шаўчэнкаўскі райсуд Кіева абраў Багуслаеву меру стрымання ў выглядзе ўтрымання пад вартай. Акрамя таго, яму паведамілі аб падазрэнні паводле артыкула 111-1 «Калабарацыйная дзейнасць» і артыкуле 111-2 «Дапамаганне дзяржаве агрэсару» Крымінальнага кодэкса Украіны

7 лістапада ў дзяржаўную ўласнасць перайшла кампанія «Матор Січ». Таксама ў пачатку лютага 2023 года Багуслаеву паведамілі аб падазрэнне паводле артыкула 258-3 «Садзейнічанне дзейнасці тэрарыстычнай арганізацыі» Крымінальнага кодэкса Украіны, а 28 сакавіка паведамілі новае падазрэнне аб перашкодах для пастаўкі баявога верталёта для ГУР Мінабароны ў красавіку 2022 года.

Напісаць каментар 8

Таксама сачыце за акаўнтамі Charter97.org у сацыяльных сетках