СМІ: Расейскія гелікаптэры і самалёты пад Бранскам маглі патрапіць у авіязасаду

Стала вядома, колькі чалавек загінула.

Дзевяць чалавек загінула ў выніку катастрофы расейскіх гелікаптэраў Мі-8 і самалётаў Су-34 і Су-35 у Бранскай вобласці. Пра гэта паведаміла Baza.

Вось дзе, паводле апошняй версіі тэлеграм-канала, загінулі расейскія вайскоўцы:

- у горадзе Клінцы пры катастрофе гелікаптэра Мі-8 загінулі ўсе тры сябры экіпажа.

- Ва Унецкім раёне (там знаходзіцца вёска Валкусцічы, пра якую паведамлялася раней) загінулі тры сябры экіпажа другога гелікаптэра Мі-8.

- У вёсцы Ніжняя загінулі два пілоты знішчальніка-бамбавіка Су-34.

- У вёсцы Сурэцкі Мурашка загінуў пілот знішчальніка Су-35.

Адзначым, што версію пра катастрофу двух самалётаў і двух гелікаптэраў у Бранскай вобласці пацвердзіў "Коммерсант" са спасылкай на неназваныя крыніцы.

Паводле папярэдніх звестак, усе збітыя паветраныя судны ўваходзілі ў адну авіягрупу. Знішчальнікі павінны былі нанесці ракетна-бомбавы ўдар па мэтам на тэрыторыі Чарнігаўскай вобласці Украіны, а гелікаптэры іх падстрахаваць, "каб у тым ліку падабраць экіпажы Су, калі яны будуць збітыя агнём ворага".

Хутчэй за ўсё, авіягрупа ВКС Расеі патрапіла ў авіязасаду.