19 траўня 2024, Нядзеля, 20:25
Падтрымайце
сайт
Сім сім,
Хартыя 97!
Рубрыкі

Літва патрабуе спыніць працу Беларускай АЭС

4
Літва патрабуе спыніць працу Беларускай АЭС

Вільня накіравала лісты ў шэраг устаноў.

Літоўская дзяржаўная інспекцыя ў бяспецы атамнай энэргетыкі паведаміла, што ў мінулы чацвер накіравала ліст у Міністэрства надзвычайных сітуацый Беларусі з заклікам спыніць эксплуатацыю і пуск 1 і 2 энэргаблокаў Беларускай АЭС у Астраўцы.

Пра гэта паведамляе партал Delfi.

«Большасць пытанняў гарантавання ядзернай бяспекі дагэтуль не развязаныя. Інспекцыя нагадала, што ўсё яшчэ чакае адказаў на пастаўленыя пытанні бяспекі, звязаныя з выбарам і ацэнкай пляцоўкі, устойлівасцю пэўнага крытычнага для бяспекі абсталявання Беларускай АЭС да сейсмічных з'яў і наступстваў авіякатастрофы вялікага камерцыйнага самалёта, выкананнем рэкамендацый па стрэс-тэстах, імавернаснай ацэнкай бяспекі пажарнай рызыкі і іншымі пытаннямі бяспекі», - гаворыцца ў паведамленні.

Літоўская дзяржінспекцыя просіць беларускія органы растлумачыць апублікаваную інфармацыю аб тым, што контур ахаладжэння рэактара 2-га энэргаблока станцыі быў забруджаны арганічнымі рэчывамі, а другаснага цыркуляцыйнага контуру 1-га энэргаблока - радыенуклідамі. Інспекцыя таксама запытвае тлумачэнні наконт недахопаў мацавання корпуса рэактара, а таксама наконт выяўленых дэфектаў і нескончаных работ.

«Мэта - атрымаць ад Беларусі інфармацыю аб устаноўленых гранічных значэннях актыўнасці радыенуклідаў, якія выкідваюцца ў навакольнае асяроддзе. Інспекцыя таксама заклікае МНС і іншыя адказныя ўстановы Беларусі апублікаваць рэкамендацыі, выстаўленыя падчас міжнародных экспертных місій, і вынікі іх выканання, падаць дадатковую інфармацыю, неабходную для больш дакладнага прагназавання магчымых аварыйных выкідаў», - гаворыцца ў паведамленні.

Копіі ліста былі накіраваныя ў Міжнароднае агенцтва атамнай энэргіі (МАГАТЭ), Еўрапейскую камісію, Еўрапейскую групу па наглядзе ў сферы ядзернай бяспекі (ENSREG) і Асацыяцыю заходнееўрапейскіх органаў рэгулявання ядзернай бяспекі (WENRA).

Згодна з праграмай паэтапнага энэргазапуску, 13 траўня да сеткі ўпершыню падключылі другі энэргаблок Беларускай АЭС (у Астраўцы) - ён даставіў у аб'яднаную энэргасістэму краіны першыя кілават-гадзіны электраэнэргіі.

У 2017 годзе літоўскі сейм заканадаўча замацаваў, што Беларуская АЭС з'яўляецца небяспечнай і ўяўляе пагрозу для нацыянальнай бяспекі, навакольнага асяроддзя і здароўя людзей.

Тры краіны Балтыі, Літва, Латвія і Эстонія дамовіліся байкатаваць электраэнэргію з БелАЭС.

Напісаць каментар 4

Таксама сачыце за акаўнтамі Charter97.org у сацыяльных сетках