УСУ фармуюць трамплін у раёне Бахмута

Ваенны экспэрт агучыў «цікавыя» перспектывы.

Ваенны экспэрт Аляксандр Каваленка расказаў аб сітуацыі ў Бахмуце, які не цалкам у руках расейскіх акупантаў.

На сваёй старонцы ў Telegram-канале «Злы Адэсіт» экспэрт паведаміў, што ўкраінскія абаронцы кантралююць невялікі адцінак у горадзе.

Ён плошчай менш за 1% ад усяго горада і знаходзіцца ў раёне трасы 0504.

Аднак войску РФ не ўдаецца ўзяць пад свой кантроль гэты невялікі адцінак, каб зладзіць пафасную фотасесію.

Пасля пачатку выхаду з горада «вагнераўцаў» замест іх заходзяць падраздзяленні 31-й АДШБр і прадстаўнікі «ЛДНР».

На паўночна-заходнім кірунку УСУ не толькі адкінулі акупантаў да Арэхава-Васільеўкі, але і сфармавалі цікавы трамплін з далёкай перспектывай уздоўж трасы М03.

На паўднёвым захадзе ўкраінскія абаронцы працягваюць крок за крокам рухацца ў бок Кляшчэеўкі ўздоўж канала. Тое, што зараз назірае ўся Украіна, не проста выраўноўванне лініі фронту.

Зусім хутка аб'ектам увагі стане адцінак на ўсход ад трасы 0513. Як вынік УСУ стабільна праціскаюць ворага на флангах, вяртаючы страчаныя тэрыторыі.

«Цяпер украінскія абаронцы ў раёне Бахмута фармуюць трамплін, а далей...», - піша Аляксандр Каваленка.