«Шайгу, дзе СПА?»

Расейцы б'юцца ў істэрыцы праз атаку дронаў на Маскву.

У сталіцы краіны Расеі раніца аўторка, 30 траўня, пачалася з выбухаў - адбылася масавая атака беспілотнікамі. Усяго раейскія прапагандысцкія СМІ паведамляюць аб 25 дронах, якія ўдарылі па Маскве.

Частку беспілотнікаў збіла расейская СПА, аднак ёсць і шэраг траплянняў. Паведамлялася, што адзін з дронов патрапіў у 15-павярхоўка ў Новай Маскве, часткова пашкодзіўшы вокны і пліту перакрыцця на верхніх паверхах. Таксама зазначаецца, што траплянні ў шматпавярховікі з нязначнымі пашкоджаннямі былі на Прафсаюзнай вуліцы і Ленінскім праспекце ў Маскве.

Мясцовыя паблікі пісалі толькі аб адным пацярпелым праз дрон, які ўпаў на Ленінскім праспекце расейскай сталіцы.

На атаку дронамі па Маскве адразу адрэагавалі расейцы ў сацсетках. Частка з іх пачала пісаць пра «дзіравае расейскае СПА», некаторыя звярталіся да міністра абароны РФ Сяргея Шайгу з пытаннем, куды ж падзелася СПА і чаму яна не працавала належным чынам, піша «Главред».

Частка расейцаў пачала панікаваць і пісаць, што неўзабаве Масква стане самым небяспечным горадам у краіне-агрэсарцы Расеі. А некаторыя нават пачалі прагназаваць, што на расейскую сталіцу неўзабаве, магчыма, і ракеты паляцяць.

Аднак вельмі многія грамадзяне РФ адрэагавалі на атаку дронамі павелічэннем сваёй агрэсіі. Так, некаторыя пачалі заклікаць расейскіх акупантаў «адказаць» на такі напад больш магутнай зброяй і знішчаць украінцаў. Хтосьці заклікаў знішчыць Кіеў дашчэнту.

У той жа час многія пачалі абвінавачваць у гэтым нападзе ўкраінцаў і заяўляць, нібыта яны «перайшлі чырвоную лінію». Але расейцы пры гэтым нібыта «забыліся» той факт, што гэта РФ развязала супраць Украіны поўнамаштабную крывавую вайну і год і тры месяцы атакуе Украіну ракетамі і дронамі.