СМІ: Пуцін упаў у ступар, да яго выклікалі лекараў

Ноч выдарылася неспакойнай для кіраўніка РФ.

Пакуль дзяржава-агрэсар РФ практычна штоночы атакуе Украіну з паветра, самому крамлёўскаму дыктатару Уладзіміру Пуціну таксама не спіцца.

Аб гэтым піша «Главред» са спасылкай на telegram-канал Генерал СВР, які нібыта вядзе былы генерал Службы замежнай выведкі РФ, сцвярджае, што стан здароўя расейскага прэзідэнта імкліва пагаршаецца.

Паводле звестак канала, пад гадзіну ночы 29 траўня Пуцін выклікаў дзяжурных медыкаў. Дыктатар паскардзіўся на моцны трэмар правай рукі, "паторгванне" верхняга павека правага вока і моцнае замарачэнне.

«На момант прыезду медыкаў прэзідэнт быў прытомны і змог дакладна апісаць сімптомы, якія яго турбавалі, аднак ужо праз некалькі хвілін падчас агляду лекарам Пуцін упаў у ступар, утаропіўшыся ў адзін пункт, пачаў выдаваць языком цоканне і прыстукваць пятой правай нагі па падлозе, пры гэтым у яго працягваўся моцны трэмар правай рукі і ён міргаў правым прыжмураным вокам», - гаворыцца ў паведамленні.

Дактары паспрабавалі ўкласці Пуціна, але дыктатар нібыта супраціўляўся. Пакуль медыкі праводзілі кансультацыі, "стан прэзідэнта крыху змяніўся, ён перастаў цокаць языком, пачаў нешта невыразна гаварыць і, не звяртаючы ўвагі на тых, хто знаходзіўся ў пакоі, паспрабаваў накіравацца да выхаду". Пуціну зрабілі ўнутрацягліцавую ін'екцыю, пасля чаго прэзідэнт ужо не спрабаваў устаць, а проста ляжаў, утаропіўшыся ў адзін пункт на столі, а потым заснуў.

Далей дактары прылучылі Пуціна да апаратуры і кантралявалі паказчыкі да ранку. Раніцай крамлёўскі дыктатар прачнуўся ў нармальным стане і не мог прыгадаць, што было пасля таго, як да яго прыехалі ўначы медыкі.

«Гэта не першы раз, калі Пуцін упадае ў такі стан, але раней такія інцыдэнты адбываліся рэдка і кожны раз выклікалі сур'ёзныя асцярогі ў людзей з блізкага кола ў плане магчымасцяў прэзідэнта кантраляваць сітуацыю публічна і ўдзельнічаць у акцыях», - адзначылі на канале.