«Чаго вы так радуецеся?» Салаўёў учыніў скандал у эфіры праз удары па Маскве

Прапагандысту не спадабалася рэакцыя расейцаў на атаку на Рублёўку.

Расейскі прапагандыст Уладзімір Салаўёў абурыўся, што шмат хто з расейцаў радуецца ў сацыяльных сетках пасля атакі БЛА ў Маскве і Падмаскоўі, маўляў, "маскоўцы сёння даведаліся, што ў краіне ідзе вайна".

Абурэнне Салаўёў выказаў у жывым эфіры сваёй аўтарскай праграмы, паведамляе Цензор.НЕТ.

«Хлопцы, а чаго вы гэтую лухту пішаце? Вам што, падабаецца тое, што ўдар ідзе па Маскве?» - звярнуўся ён да аўдыторыі.

Салаўёў заклікаў расейцаў не кпіць з жыхароў Масквы і Рублёўкі.

«Што вы так цешыцеся? «Ах, Рублёўка…». А тамака не расейскія людзі жывуць? Ці не нашы з вамі суайчыннікі? "Ах, Масква…". А што, усе маскоўцы на смузі і ў фалафельнай? Чаго вы так радуецеся? - заявіў ён.

«Толькі паварушыцеся і прыбярыце вось гэтае сваё «Так вам і трэба!». Вось так крыху сваё эга, што не сталі зоркамі, у сраку сабе засуньце. І аб краіне падумайце. І пра людзей падумайце», - падсумаваў прапагандыст.

Нагадаем, раней паведамлялася, што раніцай беспілотнікі атакавалі Маскву. Мэдыі адзначылі, што пад Масквой збілі больш за 10 БЛА.