«Трэба радыкальна нешта кожны дзень даводзіць дзецям у школе»

Што гавораць беларусы аб забароне прадаваць алкаголь падчас выпускных?

У канцы школьнага навучальнага года ў Беларусі забараняюць прадаваць алкаголь у пэўныя дні. Звычайна, гэта 25 траўня і 10 чэрвеня, калі ў школьнікаў апошнія званкі і выпускныя. У некаторых раёнах бывае і больш дзён цвярозасці. «Ганцевичский час» спытала, што пра гэта думаюць людзі.

Мінакам у Івацэвічах журналісты задалі пытанні:

Як вы ставіцеся да таго, што на школьныя святы ўводзяць забарону на продаж алкаголю? Ці дапаможа прафілактыцы п'янства? Якія яшчэ меры патрэбны?

«Я думаю, што не, усе выпускнікі ўжо даўно затарыліся. Гэта трэба радыкальна нешта кожны дзень даводзіць дзецям у школе і гэтак далей. А адным днём, я не думаю, што гэта нешта дасць», - выказаўся мінак.

Іншы мужчына больш пазітыўна глядзіць на прафілактычныя забароны.

«Станоўча. Бо дзеткі зараз, самі ведаеце, як… Гэта раней, за савецкім часам, было па-іншаму. І прадавалася ўвесь час. Але тады строгасць была. І самі прадаўцы не прадавалі», - выказаўся ён.

Удакладнілі: гэта значыць, у савецкі час выпускнікі без алкаголю ўмудраліся? Мужчына больш заўсміхаўся:

«Так… Але, увечары, вядома, вядома выкручваліся. Я хлусіць не буду, гэта было такое».

Хм, дзіўна, а ў чым тады ўласна розніца?

Жыхарка Івацэвічаў адказала на гэтае пытанне па-філасофску:

«Той, хто не п'е, той і не будзе піць. А той, хто п'е - знойдзе, дзе напіцца».

Гараджанін ва ўзросце:

«Яно нічога не дапаможа, яны сабе ўжо даўно нарыхтавалі».

Матацыкліст выказаўся, што яму абыякава, ён за стырном не ўжывае.

Жанчына пенсійнага ўзросту сказала, што падтрымлівае такія забароны:

«Можа яшчэ трэба больш увесці (забарон), каб менш тут тусаваліся каля гэтых секцый гарэлачных. Мы вечарамі з малым гуляем, дык шмат моладзі ходзіць з півам».

Яшчэ адну жанчыну спыталі, можа ўвогуле забараніць алкаголь, яна адказала, што ад гэтага карысці не будзе. І прыгадала, як за Гарбачовым быў такі эксперымент, але праблему развязаць не ўдалося.

Больш адказаў на відэа.

А як вы думаеце? Пішыце ў каментарах.