Беларуса, які гандляваў крыптай, абавязалі выплаціць вялізную суму падатку

Сума шакуе.

Беларусу, якога змусілі да адміністрацыйнай адказнасці за незаконны гандаль крыптавалютамі, абавязалі выплаціць 440 тысячаў рублёў падатку. Пра гэта паведамілі ва Управе аператыўных мерапрыемстваў сталічнай інспекцыі Міністэрства падаткаў і збораў.

«Сёння ва ўправу паступіла паведамленне ад нашых калегаў з месцы жыхарства крыптавалютчыка-грамадзяніна А. Гэты парушальнік атрымаў свой штраф яшчэ ў 2022 годзе, а цяпер нас праінфармавалі, што з прыбыткаў, атрыманых грамадзянінам летась, яму неабходна заплаціць блізу 440 000 рублёў падатку. Не памылімся, калі скажам, што ў сваім рэгіёне ён стаў чэмпіёнам у памеры падатковых абавязальніцтваў, але наўрад ці яму гэтае “лідэрства” ў радасць», — расказалі ва Управе аператыўных мерапрыемстваў МПЗ.

Ва ўстанове таксама расказалі, што Вярхоўны суд разгледзеў скаргу іншага крыптавалютчыка, якога раней аштрафавалі за незаконны гандаль крыптай. Прэтэнзіі правапарушальніка прызналі неабгрунтаванымі.

«Штраф памерам крыху больш за 100 000 рублёў давядзецца аплаціць», – падзяліліся ў падатковай.

Нагадаем, гандаль крыптавалютамі ў Беларусі рэгулюе дэкрэт Лукашэнкі № 8 «Аб развіцці лічбавай эканомікі». Дакумент дапусціў да майнінгу, набыцця, адчужэння токенаў фізічных асобаў у асабістых мэтах.

«Адна з умоваў – не будаваць на гэтым бізнэс, гэта значыць дакументам наўпрост вызначана: прадпрымальніцкая дзейнасць для фізічных асобаў забароненая і з'яўляецца незаконнай», – тлумачылі ў МУС.

У адпаведнасці з часткай 3 артыкула 13/03 КаАП, парушальнік можа атрымаць штраф памерам да 100% ад незаконнага прыбытку.