МЗС Брытаніі: Украінцы маюць права абараняць сябе за межамі сваіх межаў

Лондан пракаментаваў атаку Масквы беспілотнікамі.

Міністр замежных справаў Вялікай Брытаніі Джэймс Клеверлі, каментуючы сённяшнюю атаку Масквы беспілотнікамі, заявіў, што Украіна мае права абараняцца за межамі сваіх межаў. Пра гэта паведамляе Sky News.

Клеверлі адзначыў, што не будзе рабіць здагадак пра сутнасць атакі.

У той самы час ён падкрэсліў, што Украіна мае «законнае права абараняць сябе».

«Яны маюць законнае права рабіць гэта ў межах сваіх межаў, але таксама маюць права выкарыстоўваць сілу па-за сваімі межамі, каб падарваць здольнасць Расеі накіроўваць сілу на саму Украіну», – сказаў ён.

Паводле ягоных словаў, «легітымныя ваенныя цэлі» за межамі Украіны з'яўляюцца часткай яе самаабароны.

«Мы павінны гэта прызнаць», – дадаў міністр замежных справаў Вялікай Брытаніі.