ЗША абвясцілі пра новы пакет ваеннай дапамогі Украіне

Што ён уключае.

Прадстаўнік Белага дому Джон Кірбі ў сераду, 31 траўня, пацвердзіў, што ЗША дадуць Украіне новы пакет ваеннай дапамогі, у які ўвойдуць снарады, у тым ліку для РСЗА HIMARS, сістэмы Stinger і ЗРК Avenger.

Як паведамляе прэс-служба Міністэрства абароны ЗША, пакет дапамогі на суму да 300 млн даляраў уключае:

дадатковыя боепрыпасы для ЗРК Patriot;

ракеты AIM-7 для СПА;

ЗРК Avenger;

зенітныя комплексы Stinger;

дадатковыя боепрыпасы для HIMARS;

155-мм і 105-мм артылерыйскія снарады;

105-мм танкавыя боепрыпасы;

высокадакладныя авіяцыйныя боепрыпасы;

авіяцыйныя ракеты Zuni;

боепрыпасы для беспілотнікаў;

супрацьтанкавыя комплексы АТ-4;

больш за 30 млн патронаў да стралковай зброі;

абсталяванне і сістэмы размінавання;

падрыўныя боепрыпасы для пераадолення перашкодаў;

прыборы начной візіі;

запчасткі, генератары і іншае палявое абсталяванне.