Прэм'ер-міністр Канады Трудо нечакана прыбыў у Кіеў
3- 10.06.2023, 13:13
- 5,160
![Прэм'ер-міністр Канады Трудо нечакана прыбыў у Кіеў](https://i.c97.org/ai/551448/aux-head-1686391933-20230610_trudo_360.jpg)
Візіт не быў анансаваны.
Прэм'ер-міністр Канады Джасцін Трудо прыбыў з неанансаваным візітам у Кіеў.
Пра гэта паведамляе CBC News.
Разам з Трудо ў Кіеў прыехала віцэ-прэм'ер-міністарка Хрысця Фрыланд. Як піша выданне, візіт планавалі ва ўмовах строгай сакрэтнасці.
Трудо ўжо паразмаўляў з украінскімі вайскоўцамі на Міхайлаўскай плошчы і ўсклаў кветкі да Сцяны памяці загінулых за Украіну. Пазней канадскі прэм'ер сустрэнецца з прэзідэнтам Украіны Уладзімірам Зяленскім.
Гэта другі візіт Трудо ва Украіну падчас поўнамаштабнай вайны. 21 траўня ён сустракаўся з Зяленскім на саміце G7 у Хірасіме.
![](https://i.c97.org/ai/551448/aux-1686391926-1.jpg)
![](https://i.c97.org/ai/551448/aux-1686391926-2.jpg)
![](https://i.c97.org/ai/551448/aux-1686391926-3.jpg)