Прапагандысты заклікалі пілаваць балгаркай і закідваць гранатамі ядзерную зброю ў Беларусі

Дзіўныя заявы прагучалі ў эфіры АНТ.

У новай праграме «Дыпазіцыя» на АНТ прапагандысты «растлумачылі», чаму беларусам «не варта баяцца ядзернай зброі».

Згодна з незалежнымі даследаваннямі, больш за 70% беларусаў адмоўна ставяцца да размяшчэння на тэрыторыі Беларусі ядзернай зброі.

Прапагандысты ж тлумачаць, што ўсё гэта - дзеля «мірнага неба» над Беларуссю, і цалкам «бяспечна».

«Падарваць завадскія тактычны боезарад проста немагчыма. Яго можна нават балгаркай распілаваць, гранату ў яго кінуць, а ён не ўзарвецца, для ініцыяцыі падрыву патрэбны ланцужок спецыяльных дзеянняў, у тым ліку высокатэхналагічных», — пераконваюць прапагандысты.

Тое, што беларусы праз гэта становяцца мішэнню для ўдараў, прапагандысты ніяк не тлумачаць.

Як паведамляў сайт Charter97.org, са слоў прэзідэнта РФ Уладзіміра Пуціна, размяшчэнне ядзернай зброі ў Беларусі пачнецца пасля 7-8 ліпеня.