На ўзбраенні УСУ з'явіліся сістэмы СПА Viktor
1- 11.06.2023, 20:29
- 10,824
Яна прызначаная для барацьбы пераважна з БПЛА.
Падраздзяленні супрацьпаветранай абароны Украіны ўзмацнілі зенітныя комплексы Viktor. Генерал-лейтэнант Сяргей Наеў расказаў у сваім Telegram, што галоўнай задачай установак Viktor з'яўляецца барацьба з ударнымі БПЛА.
Вядома, што зэнітныя комплексы Viktor простыя ў абслугоўванні і манеўранасці. Іх лёгка схаваць на агнявой пазіцыі, а тэмп стральбы блізу 600 стрэлаў за хвіліну дазваляе знішчаць паветраныя цэлі на вялікіх адлегласцях.
«У спалучэнні з цеплавізійным прыцэлам і каліматорным цэлеўказальнікам гэта магутная зброя супраць «Шахедаў», - распавёў Сяргей Наеў.
Галоўнай задачай таксама з'яўляецца супрацьдзеянне самалётам і гелікаптэрам на малых вышынях. Лёгкабраняваная тэхніка, палявыя ўмацаванні ворага і яго пяхота таксама цалкам дасягальныя для спаранага 14,5 мм зенітнага кулямёта.
Спараны зенітны кулямёт усталяваны на шасі Toyota Land Cruiser 70. Комплексы збіраюць на заводзе чэшскай кампаніі Excalibur Army.