Жыхары Кобрына скардзяцца на «гарбату» з-пад крана

Замест празрыстай і чыстай вады цячэ субстанцыя незразумелага зместу.

Абурэнні кобрынца наконт таго, што з вадаправоднага крана замест празрыстай і чыстай вады цячэ субстанцыя незразумелага зместу, час ад часу ўрываюцца ў інфармацыйную прастору, піша brestcity.com.

У аўторак чарговы фотафакт пацвердзіў наяўнасць праблемы ў кватэрах на вуліцы 700-годдзя Кобрына. “Як можна мыцца ў такой вадзе? Куды глядзіць водаканал? – абураўся аўтар фота.

У пошуках вінаватых «раёнка звярнулася ў КУВП «Кобрынрайводаканал». Сваё дачыненне да інцыдэнту прадпрыемства не прызнала, аргументуючы гэта тым, што з кранаў з халоднай вадой падобнае цячы не можа. Самі работнікі водаканала, будучы жыхарамі горада, таксама сутыкнуліся з гэтай праблемай і кампетэнтна растлумачылі, што гаворка ідзе пра змесціва кранаў з гарачай вадой. А значыць, пытанні трэба задаваць ДП «Кобрынскае ЖКГ».

У ДП «Кобрынскае ЖКГ» нам растлумачылі, што сітуацыю справакаваў часовае прыпынне працы кацельні №1 (вул. Савецкая, 109)

- У панядзелак 5 чэрвеня з 9.00 да 21.00 гадзін на гэтым аб'екце нашымі спецыялістамі праводзіліся прафілактычныя работы з заменай абсталявання. Адключалася падача гарачай вады. Гэта штогадовая працэдура, неабходная для звычайнага функцыянавання сістэмы. Прафілактыка праведзеная ў максімальна сціснутыя тэрміны, раней такія работы маглі доўжыцца да 2 тыдняў, прычыняючы жыхарам вялікія нязручнасці ў сувязі з працяглай адсутнасцю гарачай вады. На гэты раз тэрміны былі скарочаныя, але вынікаў у выглядзе іржавай вады пазбегнуць не ўдалося. Аб правядзенні прафілактычных работ жыхарам горада паведамлялася загадзя. Просім паставіцца з разуменнем і цярпеннем да сітуацыі, якая склалася, - пракаментавалі ў ДП «Кобрынскае ЖКГ».