У ГУР распавялі, як Расея рыхтавалася да тэракту на Кахоўскай ГЭС

Гэта не была спантанная пастанова.

Падарваць Кахоўскую ГЭС не было спантаннай пастановай расейскіх тэрарыстаў. Вораг доўга рыхтаваўся да тэракту.

Аб гэтым піша РБК-Украіна са спасылкай на словы прэс-сакратара Галоўнай управы разведкі Міністэрства абароны Украіны Андрэя Юсава ў эфіры тэлеканала «FreeДом».

«Нават калі мы паглядзім на храналогію рэакцый прапагандыстаў, «афіцыйных асоб» рашысцкага рэжыму што да сённяшніх падзей, - там бачна: спачатку нічога не адбываецца, потым - адбываецца, але часткова, а потым - вінаватая Украіна, але яны акупанты вельмі радуюцца, што выспы, на якіх нібыта базаваліся нашы абаронцы, затопленыя», - распавёў Юсаў.

Са слоў прадстаўніка ГУР, улічваючы інжынерныя асаблівасці Кахоўскай ГЭС, ніхто акрамя расейцаў не меў фізічнай магчымасці і сродкаў, каб ажыццявіць такі маштабны падрыў.

«Украіна інфармавала публічна, а таксама і партнёраў з іншых каналаў аб тым, што рыхтуецца мінаванне і магчымы падрыў. Гэта не спантанны акт, гэта тэракт, які рыхтаваўся (расейскімі акупантамі, - рэд.) вельмі доўга», - дадаў спікер ГУР.

У той жа час Юсаў адзначыў, што Украіна загадзя рыхтавалася да розных варыянтаў паводзін ворага, у тым ліку і да імавернага падрыву ГЭС.

Падрыў Кахоўскай ГЭС

Мінулай ноччу расейскія акупанты ўчынілі выбух на Кахоўскай гідраэлектрастанцыі, што пацягнула затапленне шэрагу населеных пунктаў у Херсонскай, Мікалаеўскай і Запарожскай абласцях.

Некаторыя гарады і вёскі паведамілі аб праблемах з водазабеспячэннем. Напрыклад, у Крывым Рогу было ўведзенае абмежаванне на спажыванне вады, паколькі частка горада атрымлівала ваду з Кахоўскага вадасховішча. Жыхарам затопленых раёнаў было забаронена лавіць, прадаваць і спажываць рыбу праз рызыку захворвання на батулізм.

Са слоў намесніка генеральнага сакратара ААН у гуманітарных пытаннях Марціна Грыфітса, наступствы падрыву ГЭС стануць вядомыя ўжо ў найбліжэйшыя дні.