Што будзе з ураджаем у Беларусі праз сухмень?

Папярэджанне Белгідраметцэнтра.

Праз працяглую сушу Беларусь сёлета рызыкуе сутыкнуцца з няўродам. Гэта вынікае з інфармацыі, якую апублікаваў Белгідраметцэнтр.

На гэты момант аграметэаралагічная сітуацыя ў краіне складаная. Доўгая адсутнасць істотных ападкаў прычынілася ў шмат якіх мясцінах да атмасфэрнай, а затым і глебавай сушы.

Цяпер чакаюцца дажджы, але толькі кароткачасовыя і лакальныя, яны мала паўплываюць на варункі росту аграрных культур. Найбліжэйшым часам яны застануцца даволі складанымі.

"Сур'ёзны дэфіцыт глебавай вільгаці можа негатыўна адбіцца на фармаванні прадукцыйнасці коласу збожжавых культур, неспрыяльны для адрастання траў пасля ўкосу, запавольвае рост сцябла лёну", - кажуць спецыялісты.