«Міністэрства аховы здароўя, што ў вас там адбываецца?»

Ахову здароўя раздзіраюць праверкамі.

Паводле інфармацыі «Белых халатаў», у апошнія дні праходзіць праверка 3-й дзіцячай лякарні Менска. У складзе правяраючых галоўны лекар ЦГЭ, эпідэміёлагі, кіраўніцтва лякарні.

Правяраючыя ўрываюцца пасярод працоўнага працэсу, катастрафічна перашкаджаюць працаваць нават у рэжымных кабінетах, падчас агляду дзяцей і выкананні лекарамі і медсёстрамі маніпуляцый.

Прыдзіраюцца даслоўна да ўсяго, уключаючы інструменты, флаконы з лекамі, якія толькі што пры іх выкарыстоўваў лекар, да пакаванняў ад лекаў. Па традыцыі адчыняюць асабістыя шафкі.

Асобнай графой ідуць неабгрунтаваныя прыдзіркі да медыцынскіх сёстраў. Таксама вядзецца фотаздымка з парушэннем асабістых межаў супрацоўнікаў. Прыйшло распараджэнне аб кантролі часу прыходу і сыходу кожнага супрацоўніка з працы.

Міністэрства аховы здароўя, што ў вас там адбываецца?