Знойдзена месца каля мяжы з Украінай, куды «перасяляюць» беларускі спецназ

Пляцоўка для базы знаходзіцца сярод закінутых дзіцячых летнікаў.

У Гомельскім раёне пачалі будаваць вайсковае мястэчка для Сіл спецыяльных аперацый Беларусі.

У дзяржаўную інвестыцыйную праграму на 2023 год было ўключана будаўніцтва ў Гомельскай вобласці палігона і вайсковага гарадка для Паўднёвага аператыўнага камандавання РБ, якое (магчыма) фармуецца.

Маніторынгавая група "Беларускі Гаюн" змагла знайсці месца, дзе пачалося будаўніцтва вайсковага гарадка. Ім апынуўся комплекс закінутых дзіцячых летнікаў, размешчаных ва ўрочышчы каля вёскі Новая Буда ў Гомельскім раёне.