Брытанскі палкоўнік адказаў, калі Украіна зробіць стратэгічны прарыў на фронце

УСУ цяпер шукаюць уразлівае месца ў абароне расейцаў.

Стратэгічны прарыў Украіны будзе там, дзе ў акупантаў скончыцца рэсурс.

Як заявіў брытанскі палкоўнік Глен Грант у эфіры "Эспрэса", пераломны момант можа надысці на працягу месяца.

Паводле ягоных слоў, Сілы абароны Украіны шукаюць прагал у абароне расейцаў. У той жа час абаронцы Украіны добра стрымліваюць нашэсце акупантаў у Данецкай вобласці.

«Знойдзецца месца, дзе Расея раптам не зможа ваяваць належным чынам. Менавіта там мае адбыцца сапраўдны стратэгічны прарыў. І таму, гледзячы на поўдзень, у мяне ўзнікае пытанне: што адбываецца пад Данецкам, калі ўкраінскія войскі прасоўваюцца наперад? Што адбудзецца, калі яны ўварвуцца ў Данецк? Ці мае УСУ яшчэ блізу 30 тысяч жаўнераў, якія могуць увайсці ў Данецк і ўзяць яго? Гэта цікавыя пытанні на гэты момант, бо поле бою да канца незразумелае. А можа, гэта будзе Ліман, ці гэта Бахмут, ці гэта Данецк, ці гэта Запарожжа і поўдзень. І толькі ў найбліжэйшыя два-тры тыдні, або на працягу наступнага месяца будзе ясна, дзе напраўду Украіна можа прычыніць найбольшую шкоду акупантам», - сказаў Грант.