Сіноптыкі распавялі, якім будзе надвор'е на наступным тыдні

Верасень выдаўся вельмі цёплым.

Нягледзячы на тое, што верасень ужо перасягнуў экватар, на гэтым тыдні ўсё яшчэ было цёпла. 12 верасня на чатырох метэастанцыях зафіксаваныя тэмпературныя рэкорды. Так, у Горадні паветра прагрэлася да +28,1°C, абнавіліся максімумы ў Лідзе, Вілейцы і Ашмянах, расказаў у эфіры АНТ сіноптык Дзмітрый Рабаў.

У найбліжэйшыя сем дзён нас чакае па-асенняму няўстойлівае, але пакуль яшчэ ўмерана цёплае надворʼе. Усё часцей Беларусь будуць наведваць дажджавыя аблокі. Аднак тэмпература паветра працягне перавышаць кліматычную норму.

У пачатку тыдня ў большасці раёнаў краіны дажджы малаверагодныя, кароткачасовыя – толькі ў аўторак удзень па захадзе краіны. Уначы – ад +11 да +17°C, удзень у панядзелак, 18 верасня, ад +19°C на поўначы да +29°C у паўднёва-заходніх раёнах, у аўторак, 19 верасня, ад +23 да +29°C.

У сярэдзіне тыдня будзе воблачна з праясненнямі, на большай частцы тэрыторыі кароткачасовыя дажджы. Уначы ў сераду, 20 верасня, ад +10 да +16°C, удзень ад +18°C на поўначы да +26°C па поўдні.

У пачатку другой паловы тыдня ўначы ад +10 да +15°C. Удзень у чацвер, 21 верасня, ад +20 да +27°C, у пятніцу, 22 верасня, ад +17°C па паўночным захадзе да +27°C па Гомельскай вобласці.

І, папярэдне, на наступных выходных уначы ад +11 да +17°C. Удзень у суботу, 23 верасня, ад +13°C па паўночна-заходняй палове да +21°C па паўднёвым усходзе, у нядзелю, 24 верасня, ад +16 да +20°C.