23 чэрвеня 2024, Нядзеля, 20:50
Падтрымайце
сайт
Сім сім,
Хартыя 97!
Рубрыкі

Брытанская выведка расказала, ці здольны ЧМФ РФ выконваць баявыя задачы

3
Брытанская выведка расказала, ці здольны ЧМФ РФ выконваць баявыя задачы

За апошнія тыдні расейскі Чарнаморскі флот РФ падпаў пад сэрыю сур'ёзных атак.

У брытанскай выведцы заявілі, што пашкоджанні Чарнаморскага флоту Расеі пасля шматлікіх атак сур'ёзныя, але лакалізаваныя.

Пра гэта гаворыцца ў справаздачы выведкі Мінабароны Брытаніі, апублікаванай у аўторак, 26 верасня.

Адзначаецца, што ЧФ РФ усё яшчэ здольны выконваць асноўныя баявыя задачы, у тым ліку наносіць удары крылатымі ракетамі і ажыццяўляць мясцовае патруляванне.

Аднак, паводле справаздачы, цалкам імаверна, што здольнасць ЧФ РФ працягваць шырэйшае рэгіянальнае патруляванне і блакаду ўкраінскіх партоў будзе зменшаная. Акрамя таго, у яго знізілася здольнасць абараняць свае актывы ў порце і праводзіць рэгулярнае тэхнічнае абслугоўванне.

Выведнікі адзначаюць, што ў Чорным моры ідзе дынамічны і глыбокі бой, які прымусіць Расею дзейнічаць рэактыўна, бо дэманструе, што ўкраінскае войска можа падважыць сымбалічную і стратэгічную моц Крамля ў яго порце ў акупаваным Севастопалі.

За апошнія тыдні расейскі Чарнаморскі флот РФ падпаў пад сэрыю сур'ёзных атак, найбольшымі з якіх сталі ўдары па яго штабу 20 і 22 верасня.

У справаздачы адзначаецца, што гэтыя атакібылі найбольш разбуральнымі і скаардынаванымі за ўвесь перыяд поўнамаштабнага ўварвання РФ ва Украіну.

Напісаць каментар 3

Таксама сачыце за акаўнтамі Charter97.org у сацыяльных сетках