«Прыйдзі ў сябе, жанчына. Ты звар'яцела»: Артур Смальянінаў зрабіў гучную заяву і выклікаў у расейцаў істэрыку

Актор асудзіў вайну ва Украіне.

Расейскі актор, зорка кінапраектаў «9 рота» і «Самара» Артур Смальянінаў, які публічна выказаў сваю антываенную пазіцыю, зрабіў гучную заяву аб вяртанні ў РФ. Артыст назваў расейцаў вар'ятамі, а законы РФ - пасмешышчам.

Гэта выклікала чарговы прыступ істэрыкі ў грамадзян, якім падабаецца жыццё на ўмовах дыктатарскіх улад. Каментары з'явіліся пад допісам у адным з прапагандысцкіх паблікаў, піша «Обозреватель».

Смальянінаў падзяліўся, што вельмі пакрыўджаны на расейцаў, якія аднялі ў яго працу і сям'ю, таму не хоча вяртацца дадому.

«Расея павінна пастарацца моцна, каб я захацеў у яе вярнуцца. Яе цяперашняя інкарнацыя здрадзіла нас усім. Зрабіла ўсё, каб мы адышлі ўбок і сказалі: «Прыйдзі ў сябе, жанчына. Ты звар'яцела. Ты нявартая сваіх дзяцей». Таму што краіна - гэта людзі, а не наадварот. Калі краіна сама сябе згвалтавала, законы ператварыла ў пасмешышча, грамадзян ператварыла ў рэсурс, пазбавіла мяне працы, сям'і, трэба будзе моцна пастарацца, каб я захацеў з ёй размаўляць», - сказаў актор.

Прапагандысты ў імгненне вока кінуліся разганяць «здраду», зваць зорку «экстрэмістам» і «замежным агентам». Да істэрыі з задавальненнем далучыліся і «патрыёты» тэрарыстычнай краіны, якія ласкава прапанавалі суграмадзяніну «здохнуць».

Дарэчы, раней Артур Смальянінаў заявіў, што калі б ён і пайшоў цяпер на вайну ва Украіне, то выключна супраць Расеі. Са слоў знакамітасці, ён не адчувае да акупантаў ніякіх пачуццяў, акрамя нянавісці.