СМІ: У Марыупалі «кадыраўцы» збілі расейскага чыноўніка

Мясцовая паліцыя «заняла незразумелы бок».

У панядзелак, 25 верасня, у часова акупаваным Марыупалі Данецкай вобласці паміж расейцамі і «кадыраўцамі» адбылася бойка. «Прадстаўнікі малых народаў Расеі» збілі расейскага дэпутата Мікалая Ішакова.

Як піша «Фокус», пра гэта паведаміў дарадца мэра Марыупаля Пётр Андрушчанка ў Telegram.

«У Марыупалі ўчора быў пакараны нейкі расейскі дэпутат. Гэта добра ў кожным выпадку», - сказаў Пётр Андрушчанка.

Ён адзначыў, што ў збіцці расейскага дэпутата расейцы абвінавачваюць праўкраінскую супольнасць у Марыупалі. Аднак са слоў Андрушчанкі, дэпутата РФ збілі самі ж расейцы.

«Карацей, расейцы адмудохалі свайго дэпутата і гэта з усіх бакоў выдатная навіна», - заявіў Андрушчанка.

Дарадца мэра Марыупаля са спасылкай на расейскі Telegram-канал распавёў, што ў Марыупалі нібыта ўчынілі напад на расейскага дэпутата Мікалая Ішакова, яго збілі манціроўкай. У выніку дэпутат атрымаў страсенне мозгу, яму разбілі галаву. Паводле слоў Ішакова, вайсковая паліцыя «заняла незразумелы бок» — злачынцы не былі затрыманыя.

Расейскія СМІ абвінавацілі ў збіцці марыупальцаў, якія чакаюць вяртання Украіны ў горад.

Раней Пётр Андрушчанка паведамляў, што «прадстаўнікі малых народаў Расеі» ўчынілі бойку з «кадыраўцамі» ў Марыупалі.

«Дайшло да зброі ў руках. На жаль, не пастраляліся. Але палкамі пабілі адзін аднаго зусім нядрэнна. Дасталася нават жанчынам у хіджабах (мабыць, выпадкова)», - падкрэсліў ён.

Расейскі дэпутат Мікалай Ішакоў: што пра яго вядома

Мікалай Ішакоў - старшыня партыі Савета Мясцовага аддзялення ў Чыгуначнай акрузе Курска. З 2021 года сябра партыі «Справядлівая Расія».

На паведамленні прарасейскіх сацсетак, на так званых фэйкавых «выбарах» Ішакоў нібыта прайшоў у гарадскія дэпутаты Марыупаля ад партыі «Справядлівая Расія».