У Мазыры 16-гадовы хлопец на Nissan спрабаваў уцячы ад ДАІ

У ходзе пагоні няпоўнагадовы не справіўся з кіраваннем.

Няпоўнагадовы жыхар Мазыра спрабаваў на аўтамабілі схавацца ад супрацоўнікаў ДАІ і ўчыніў сур'ёзную аварыю, паведамляе тэлеканал «Мазыр».

Інцыдэнт здарыўся ноччу 24 верасня. Паведамляецца, што 16-гадовы хлопец ехаў за стырном Nissan, не выканаў патрабаванне супрацоўніка органаў унутраных справаў аб спыненні і пачаў уцякаць.

Падчас пагоні няпоўнагадовы не справіўся з кіраваннем, выехаў за межы дарогі і ўляцеў у пункт прыёму другаснай сыравіны на вуліцы Савецкай.

У выніку ДТЗ падлетак не пацярпеў, а вось аўтамабіль атрымаў сур'ёзныя механічныя пашкоджанні. Паводле папярэдняй інфармацыі, хлопец знаходзіўся ў стане алкагольнага ап'янення.

«Цяпер праводзіцца праверка, будзе разгледжанае пытанне пра змушэнні бацькоў да адміністрацыйнай адказнасці», – паведамляе тэлеканал.