Лекар назваў сімптомы ганконжскага грыпу, які прыйшоў у Беларусь

Ганконжскі грып адзначаюць у нашай краіне ў студзені.

Аб сімптомах ганконжскага грыпу (H3N2 вірус грыпу А) у эфіры тэлеканала АНТ расказаў старшыня Беларускай асацыяцыі лекараў Дзмітрый Шаўцоў.

Паводле ягоных слоў, да іх можна залічыць рэзкае пагаршэнне самаадчування, тэмпературу вышэй за 39 градусаў, дрыжыкі, млоснасць, пазывы да ваніт, чырвоныя і хворыя вочы.

«Небяспечным лічыцца з'яўленне дыхавіцы, крывацёку, курчаў, а таксама эпізоды страты прытомнасці», - адзначыў медык.