Палітолаг: Перад Лукашэнкам замаячыў прывід Мілошавіча
14- 1.10.2024, 11:47
- 6,794
Упершыню за дыктатара ўзяліся так сур'ёзна.
Міжнародны крымінальны суд (МКС) прыняў пакет дакументаў, якія даказваюць учыненне злачынстваў падчас жорсткіх рэпрэсій у Беларусі. Гэта было зроблена на запыт Літвы, якая з'яўляецца падпісантам Рымскага статута.
Пакет дакументаў быў юрыдычна аформлены і дастаўлены ў Гаагу. МКС прыняў яго для разгляду і пачне папярэдняе расследаванне, якое зойме мінімум некалькі месяцаў, але можа быць закончанае і да канца 2024 года.
«За Аляксандра Лукашэнку, мабыць, упершыню ўзяліся так сур'ёзна, а на гарызонце замаячыў прывід Слабадана Мілошавіча», - пракаментаваў гэтую навіну ў сваім Telegram-канале палітолаг Аляксандр Фрыдман.