МЗС Ізраіля пацвердзіла ліквідацыю верхавода ХАМАС

Ён быў адным з галоўных арганізатараў нападу на Ізраіль 7 кастрычніка.

Байцы ЦАХАЛ ліквідавалі завадатара палітбюро палестынскай ісламісцкай групоўкі ХАМАС Ях'ю Сінвара, абвясціў кіраўнік МЗС Ізраіля Ісраэль Кац, паведамляе The Times of Israel.

Ён назваў аперацыю вялікім дасягненнем для Ізраіля і «перамогай для ўсяго свабоднага свету ў барацьбе з воссю зла радыкальнага ісламу на чале з Іранам».

Пра магчымую ліквідацыю Сінвара Войска абароны Ізраіля паведаміла днём 17 кастрычніка. Ва ўстанове заявілі, што ў сектары Газа былі ліквідаваныя тры баевікі, і абвясцілі, што адзін з іх можа быць кіраўніком палітбюро ХАМАС.

Паводле звестак Channel 12, ізраільскія вайскоўцы не ведалі, што Сінвар знаходзіцца ў будынку, па якім яны запыталі ўдар. Ужо пасля атакі байцы зайшлі ўнутр і знайшлі труп мужчыны, падобнага на Сінвара. Цела ідэнтыфікавалі пры дапамозе здымкаў зубоў і ДНК-тэсту.

61-гадовы Сінвар – адзін з заснавальнікаў ХАМАС, са жніўня гэтага года стаў кіраўніком палітбюро арганізацыі. The Guardian называла яго адным з галоўных арганізатараў нападу на Ізраіль 7 кастрычніка летась. Сінвар больш за 20 гадоў правёў у ізраільскіх турмах і выйшаў на волю ў 2011 годзе падчас абмену.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com