Расейцы з Курскай вобласці запатрабавалі ад Пуціна «скончыць вайну»

Пратэстоўцы запісалі відэазварот.

Жыхары вёскі Вольгаўка Курскай вобласці паскардзіліся Уладзіміру Пуціну на цяжкасці, якія ўзніклі пасля іх эвакуацыі, і заклікалі «закончыць гэтую праклятую вайну, якая забрала мноства нявінных жыццяў».

«Мы тры месяцы як у пекле, куды нам звяртацца, дзе знайсці выратаванне. <…> Мы хочам, каб нашы дзеці бачылі мірнае неба, не слухалі сігнал ракетнай небяспекі. Разбярыцеся ў гэтай сітуацыі і пачуйце жыхароў памежжа. Не з сваёй волі мы ўсё гэта трываем», – заявілі бежанцы ў відэазвароце да Пуціна.

Людзі паскардзіліся, што сталі бяздомнымі праз тое, што іх сяло было разбуранае падчас баявых дзеянняў. Паводле іх словаў, зняць жыллё могуць дазволіць сабе далёка не ўсе, а на працу перасяленцаў бяруць неахвотна. Таксама ўцекачы паведамілі, што некаторыя іхныя аднавяскоўцы загінулі або прапалі без вестак, бо эвакуацыя своечасова абвешчаная не была і не ўсе паспелі выехаць. «Нехта застаўся, таму што думаў, што гэта ўсё на два-тры дні», – гаворыцца ў звароце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com