Ва Украіне сябра Лукашэнкі адправілі пад варту

Яго падазраюць у дзяржздрадзе.

Ва Украіне суд адправіў пад варту народнага дэпутата Яўгена Шаўчэнку, які ездзіў да Лукашэнкі. Яго падазраюць у дзяржаўнай здрадзе. Пра гэта ў пятніцу, 15 лістапада, паведаміла hromadske.

Раней у зносінах з журналістамі Шаўчэнка заявіў, што не згодны з падазрэннем, адмовіўся адказваць на большасць пытанняў і абвінаваціў СМІ ў скажэнні інфармацыі.

Ён заявіў, што «ягонае асабістае меркаванне спрабуюць перакруціць супраць яго» і дадаў, што «ўпэўнены ў сваёй невінаватасці».

14 лістапада нардэпу Яўгену Шаўчэнку паведамілі пра падазрэнне.

Паводле матэрыялаў справы, фігурант сістэматычна займаўся інфармацыйна-падрыўной дзейнасцю ў інтарэсах дзяржавы-агрэсаркі. Сярод іншага, ён распаўсюджваў фэйкі расейскай прапаганды датычна падзей ва Украіне і яе знешнепалітычнага курсу, а ў кастрычніку – лістападзе 2024 года распаўсюджваў скажоную інфармацыю пра камандаванне Сілаў абароны Украіны і грамадскія настроі ўнутры Украіны.

Акрамя гэтага, паводле звестак следства, нардэп цягам 2020–2023 гадоў неаднаразова наведваў Беларусь, дзе меў зносіны з Лукашэнкам і наладжваў «схемы» ў закупцы для падкантрольных яму кампаній электраэнэргіі і аміячных угнаенняў паводле заніжанага кошту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com