Штармавы вецер пакінуў без святла 226 населеных пунктаў Беларусі

Сіноптыкі падоўжылі дзеянне аранжавага ўзроўню небяспекі на панядзелак.

Энэргетыкам адразу некалькіх беларускіх абласцей давялося ў панядзелак, 4 лістапада, перайсці на ўзмоцнены рэжым працы дзеля штармавога ветру. За мінулую ноч ён пакінуў без святла сотні паселішчаў ва ўсёй краіне. Паводле аперацыйных звестак аварыйных службаў толькі ў Віцебскай і Менскай абласцях без святла да раніцы заставаліся як мінімум 226 населеных пунктаў, піша "Тэлеграф".

Паводле Міністэрства энэргетыкі на 9:00 4 лістапада работы для аднаўлення электразабеспячэння працягваліся яшчэ ў 226 пацярпелых ад непагадзі населеных пунктах. Больш за ўсё за мінулую ноч дасталася наступным раёнам Віцебскай і Менскай абласцей:

• Полацкаму,

• Расонскаму,

• Дрысенскаму,

• Ушацкаму,

• Гарадоцкаму.

Аварыйныя службы зафіксавалі дзясяткі выпадкаў падзення дрэў на лініі электраперадачы, абрываў правадоў і пашкоджанні апор ЛЭП, а раз надвор'е раніцай толькі пагоршылася, энэргетыкаў Віцебскай вобласці пастанавілі перавесці на ўзмоцнены рэжым працы і накіраваць да іх на дапамогу аварыйныя брыгады і Менскай і Магілёўскай абласцей.

У сувязі з масавымі адлучэннямі ў размеркавальных сетках у РУП "Віцебскэнэрга" таксама ўвялі асобны рэжым працы і падрыхтавалі рэзэрвовыя крыніцы сілкавання.

Ратавальнікам у Менскай вобласці за мінулы дзень таксама давялося не раз выязджаць на ліквідацыю наступстваў падзення дрэў. Адно з дрэў у Менскім раёне на трасе М-6, паблізу вёскі Тарасава, упала проста на цяжкавік, пашкодзіўшы брызентавы тэнт прычэпа.

Між тым, сіноптыкі падоўжылі дзеянне аранжавага ўзроўню небяспекі на панядзелак, 4 лістапада. Мяркуючы з аперацыйных звестак Белгідрамета, штармавы вецер з парываннем 15-20 м/с, месцам да 21-24 м/с (гэта значыць амаль да 90 км/г) захаваецца на большай частцы тэрыторыі — у Менскай, Магілёўскай, Віцебскай і Гомельскай абласцях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com