У Вільні ўсталююць помнік Барбары Радзівіл і Жыгімонту Аўгусту

Выглядае ён не зусім звычайна.

Помнік Барбары Радзівіл і Жыгімонту Аўгусту з'явіцца ў дворыку бібліятэкі Урублеўскіх Літоўскай акадэміі навук у Вільні. Да гэтага бібліятэка абвясціла конкурс на найлепшы помнік.

Помнік з двума чарапамі на пастаменце прапанаваў 62-гадовы літоўскі скульптар Гедымінас Пяркунас.

- З усіх работ, якія ўдзельнічаюць у конкурсе, вобраз Барбары Радзівіл і Жыгімонта ў інтэрпрэтацыі Гедыміна Пяркунаса дасягае самай універсальнай ідэі твора мастацтва. Таму што аўтар надзвычай запамінальны, свежы, наватарскі і без скульптурных клішэ аб смерці і бессмяротнасці, — пракаментаваў працу пераможцы сябра экспертна-спецыялістскай камісіі, культурны журналіст Валдас Пуцейкіс. — Здаецца, ён трансфармуе шэкспіраўскі міф пра Рамэа і Джульету, нагадваючы лёс Барбары і Жыгімонта, каханне, смерць і жыццё паміж імі (…). Твор мае ў роўнай ступені як нацыянальныя, гэтак і касмапалітычныя рысы. На першы погляд ён правакуе, задае шмат пытанняў, таму, не сумняваюся, выкліча цікавасць і заінтрыгуе як віленцаў, так і гасцей сталіцы, але ў той жа час гэты твор зразумее літовец, француз, бразілец, японец — і гэта ўжо сапраўдная каштоўнасць твора мастацтва, яго ўстойлівасць да часу і гістарычнасці. Відавочна, што гэтая праца лёгка вытрымае выпрабаванне часам.

Але не ўсе літоўцы ацанілі такі выбар журы. У каментарах пад допісам бібліятэкі яны пісалі, што помнік не адлюстроўвае гісторыю кахання Барбары і Жыгімонта, што ён выглядае страшна «нібы іх абезгаловілі» і перажываюць за наведвальнасць бібліятэкі.

Нагадаем, Барбара Радзівіл была другой жонкай Вялікага князя Літоўскага Жыгімонта ІІ Аўгуста. Яны пажаніліся таемна, насуперак магнатам і дваранству, незадаволеным ростам уплыву Радзівілаў. Неўзабаве пасля каранацыі Барбара памерла. Некаторыя гісторыкі мяркуюць, што яе атруцілі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com