Прэс для раздушвання людзей: з'явіліся жудасныя кадры з засценкаў Асада ў Сірыі
23- 15.12.2024, 14:31
- 20,522
Журналісты BILD пабывалі ў турме ў Сэднаі.
Журналісты выдання BILD пабывалі ў сірыйскай турме катаванняў у Сэднаі, якая стала сімвалам зверстваў рэжыму Башара Асада. Там яны знайшлі стальны прэс, якім каты раздушвалі вязняў да смерці.
Фотарэпартаж апублікаваны ў Telegram-канале BILD.
Пасля падзення рэжыму Башара Асада праваабаронцы і былыя зняволеныя, якія выжылі пасля катаванняў, распавялі пра метады, якія выкарыстоўвалі памагатыя крывавага дыктатара.
«Яны не ведалі жалю. Адным з метадаў было здушванне людзей да смерці. Часам яны раздушвалі ўжо мёртвых вязняў, каб вызваліць месца. Яны расколвалі чэрапы бензапіламі, здымалі скуру з целаў электрычнымі абцугамі. Жорсткасць не ведала межаў», - распавёў доктар Ясер Дарказанлі, які аглядаў целы ахвяр.
На экране кампрэсара гэтай машыны журналісты BILD выявілі надпіс «GERMANY».
«У гнятлівай атмасферы гэтага пакоя мы, рэпарцёры BILD, стаім перад зялёным сталёвым прэсам? Хто зрабіў гэты станок? Ці быў ён спецыяльна прызначаны для катаванняў? Адказаў няма. Аднак адно вядома дакладна: гэты апарат стаў інструментам бесчалавечнай жорсткасці», - піша журналіст Себасціян Прэнгель.
Сваякі ахвяраў працягваюць шукаць іх у засценках Асада. Яны прыязджаюць у Сэднаі ў пошуках якой-небудзь інфармацыі і шукаюць старыя архівы, спадзеючыся знайсці імя. Але турэмшчыкі знішчылі шмат слядоў сваіх злачынстваў - некаторыя целы растваралі ў чанах з кіслатой, каб схаваць довады.
У моргу адной з лякарняў Дамаска ляжаць целы апошніх ахвяр. Пах раскладання, знявечаныя целы з відавочнымі слядамі катаванняў - гэта выгляд невыносны для большасці, піша Прэнгель. Журналіст апісвае, як паджылы мужчына з хусткай ля твару, адкрывае адзін чорны мяшок для трупаў за іншым, у пошуках сына.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
