«Тое самае чакае Лукашэнку»

Змена рэжыму ў Беларусі будзе падобная па хуткасці да падзенне Асада.

Рэжым сірыйскага дыктатара Башара Асада, які трымаўся на расейскіх штыках, упаў. Дыктатар, чыя сям'я з 1970 года кіравала краінай, бег. Ці будзе Пуцін ратаваць Лукашэнку? Пра гэта сайт Charter97.org паразмаўляў з каардынатарам грамадзянскай кампаніі «Еўрапейская Беларусь» Змітром Бандарэнкам:

- Вядома, нам важнае ўласнае жыццё. Маё жыццё прайшло пры 18-ці гадах дыктатуры Брэжнева, а цяпер больш за 30 гадоў дыктатуры Лукашэнкі. Але ў гістарычным маштабе гэта невялікі перыяд. Мы бачым, што дыктатарскія рэжымы працягваюць разбурацца. Цяпер мы назіраем пачатак распаду Расеі, адсякаюцца рудыментарныя шчупальцы, якія засталіся ад СССР.

Рудыментарная свядомасць генералаў і экспэртаў, якія мысляць катэгорыямі звышдзяржавы, памылковая, бо Расея можа перастаць быць нават рэгіянальнай дзяржавай, а ўся яе энэргія будзе накіраваная на супрацьдзеянне самараспаду.

Мае знаёмыя пыталіся: "А што значаць усе гэтыя "саюзныя" дакументы па гарантыях бяспекі для Лукашэнкі?" Гэта істэрыка двух дыктатараў. Яны ведаюць рэальны стан рэчаў. Бо грошай у Расеі, мусіць, таксама засталося "на тры дні". Бразганне зброяй і патугі кагосьці запалохаць нагадваюць адну яшчарку, якая насамрэч маленькая, а ў нейкі момант робіць страшную пашчу, становіцца вышэйшай ростам. Вось Лукашэнка сапраўды такая яшчарка, толькі старая, ды яшчэ і мае ў сябрах не самага маладога партнёра, які абяцае, што «я цябе, Саша, «абараню». Асада ўжо абаранілі. Тое самае чакае Лукашэнку.

Я ўпэўнены, што ў Беларусі будзе змена ўлады, бо калі 90% насельніцтва супраць цябе, калі твае эліты супраць цябе, а ты не можаш ім прапанаваць будучыню для іх і іхніх дзяцей, гэта азначае катастрофу.

Упэўнены, што ў Беларусі змена рэжыму будзе падобная па хуткасці да падзенне Асада, але па форме варыянт будзе іншым. Беларусь - еўрапейская краіна, якая мяжуе з краінамі ЕЗ і NATO, а таксама Украінай, якая змагаецца за свабоду.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com