Сірыйскія паўстанцы заявілі аб эвакуацыі расейскіх войск з Дамаска

Яны пайшлі на базу Хмеймім.

Расея за апошнія дні вывела не менш за 400 вайскоўцаў з раёна Дамаска і перакінула гэтыя сілы на авіябазу Хмеймім, паведаміў Financial Times (FT) чалец палітбюро групоўкі "Хаят Тахрыр аш-Шам" (ХТШ) Камаль Лабабідзі, якая прыйшла да ўлады.

Паводле ягоных слоў, вывад войскаў адбываўся ў каардынацыі з новымі ўладамі Сірыі. Размова ідзе аб расейскіх вайскоўцах, якія раней размяшчаліся ў штабе Чацвёртай дывізіі сірыйскай арміі ў Кудсаі, прадмесці Дамаска. Таксама былі перакінутыя вайскоўцы, якія неслі службу пры пасольстве Расеі ў Дамаску.

На відэазапісе, з якім азнаёмілася FT, бачна калона амаль са 100 вайсковых аўтамабіляў, сярод якіх бронетранспарцёры, цягачы, аўтацыстэрны з палівам і мабільныя медыцынскія падраздзяленні. Як сцвярджае Лабабідзі, з базы Хмеймім вайскоўцаў самалётамі даставілі ў Рас6ю. Паводле ягоных слоў, на гэты момант у гатэлі Four Seasons у Дамаску, які стаў фактычнай штаб-кватэрай паўстанцаў, якія захапілі ўладу ў Сірыі, працягваюцца перамовы аб эвакуацыі расейскіх вайскоўцаў з іншых раёнаў краіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com