«Лукашэнка ахоплены жахам»

Дыктатар разумее, што Расея не прыйдзе на дапамогу.

На нядаўняй сустрэчы ў Барысаве Лукашэнка раптоўна загаварыў пра расейскую ядзерную зброю ў Беларусі. І стаў пагражаць яе выкарыстаннем. Галоўная рэдактарка сайта Charter97.org Наталля Радзіна мяркуе, што ў дыктатары гаворыць страх:

- Даўно падазравала, што Лукашэнка сядзіць на транквілізатарах, але гэтым разам ён відавочна перавысіў дозу. Дыктатар расказваў, што на тэрыторыі Беларусі знаходзяцца сотні ядзерных ракет, што ў кожны момант ён гатовы імі ўдарыць, што ён будзе сам наводзіць іх на цэлі, таму што дамовіўся з Пуціным, потым яны будуць удваіх націскаць на «чырвоную кнопку».

Я размаўляла са спецыялістамі, якія працавалі над праграмай ядзернага раззбраення Беларусі, яны сцвярджаюць, што ў краіне ніякіх ядзерных ракет няма. З вельмі простай прычыны - іх няма дзе захоўваць. Сховішчы, якія існавалі ў савецкі час для ракет з ядзернымі боегалоўкамі, знішчаныя. Сёння Лукашэнку іх проста няма дзе захоўваць, хіба што ў кароўніках.

Не выключаю, што гэтыя сховішчы могуць будавацца зараз, але на гэта патрэбны час і вялізныя рэсурсы, якіх у дыктатуры сёння няма. Яны заканчваюцца, а Пуцін не ў стане сёння спансаваць свайго старога ўтрыманца.

Лукашэнка ахоплены страхам, ахоплены жахам, таму што ў Сірыі абрынуўся рэжым ягонага сябра Асада. Чалавек траўмаваны. Колькіх сяброў ён ужо страціў? Дыктатар Ірака Садам Хусэйн быў павешаны, Слабадан Мілошавіч, сербскі дыктатар, памёр у турме, Муамар Кадафі ўвогуле быў забіты паўсталым народам Лібіі. А тут яшчэ і сябар Башар Асад змушаны ўцякаць у Маскву.

Лукашэнка ў вялізным стрэсе, баіцца за сваю ўладу. Дыктатар выдатна разумее, што Расея пацярпела поўную паразу ў Сірыі. Ён разумее лепш за нас з вамі, што рэсурсаў у РФ не так ужо шмат, і яны ў яе заканчваюцца, у тым ліку - на вайну, якую яна сёння вядзе з Украінай. І тым больш у яе не так шмат засталося рэсурсаў для дыктатуры Лукашэнкі ў Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com