Асад зрабіў першую заяву пасля ўцёкаў з Сірыі

Дыктатар прызнаў, што дзейнічаў «у каардынацыі з расейскімі хаўруснікамі».

Канцылярыя былога сірыйскага дыктатара Башара Асада апублікавала заяву ад ягонага імя. У ёй сказана, што Асад нібыта заставаўся ў Дамаску раніцай 8 снежня і пакінуў краіну толькі ўвечары таго ж дня.

Там таксама заяўляюць, што ягоны ад'езд з Сірыі «не быў запланаваны».

Пасля ўступлення паўстанцаў у Дамаск, Асад «у каардынацыі з расейскімі хаўруснікамі» перабраўся ў Латакію для назірання за баявымі аперацыямі.

«Па прыбыцці на авіябазу Хмеймім у тую раніцу стала зразумела, што нашы сілы цалкам адышлі з усіх баявых рубяжоў, а апошнія вайсковыя пазіцыі палі. <...> Паколькі пакінуць базу было немагчыма, Масква звярнулася да камандавання базы з просьбай арганізаваць неадкладную эвакуацыю ў Расею ўвечары ў нядзелю, 8 снежня», - гаворыцца ў заяве.

У заяве прыведзеныя і словы самога Асада, які сцвярджае, што падчас гэтых падзей ён «ні разу не думаў аб тым, каб пайсці ў адстаўку або шукаць прытулак» і не атрымліваў адпаведных прапаноў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com