Беларускія грузавікі разварочваюць пры ўездзе ў Літву

Памежнікі складаюць пратаколы аб адмове ва ўездзе.

Уначы ў мінулую нядзелю праз пункт пропуску "Саленікі" з Беларусі ў Літву заехаў зарэгістраваны ў Літве грузавы аўтамабіль DAF FT XF з паўпрычэпам з чэшскімі нумарнымі знакамі.

Кіроўца, 48-гадовы грамадзянін Беларусі, падаў памежнікам асабістыя дакументы і дакументы на транспартны сродак. Падазрэнні выклікаў адзін з іх - пасведчанне аб рэгістрацыі паўпрычэпа.

Як высветлілася, дакумент не мае сродкаў абароны і агулам вонкава мала падобны да сапраўднага пасведчання аб рэгістрацыі. Увогуле, быў падробленым. Пра гэта паведаміла САДМ пры МУС Літвы.

Варта адзначыць, што за апошні час гэта трэці выпадак, калі на літоўскай мяжы канфіскоўваюць падробленыя пасведчанні аб рэгістрацыі на паўпрычэпы, зарэгістраваныя ў Чэхіі. Так было і зусім нядаўна, калі два грузавікі везлі ў Літву з Беларусі атракцыёны.

Чым скончылася справа ў гэтым выпадку? Як і ў першых двух. Памежнікі склалі пратакол аб адмове ва ўездзе ў Літву і канфіскавалі падазроны дакумент. Кіроўцу давялося вярнуцца на цягачы з паўпрычэпам у Беларусь.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com