Генерал-лейтэнанта РФ Кірылава ў Маскве ліквідавала СБУ

Адплата за ваенныя злачынствы была неадкладнай.

У Маскве ў выніку выбуху забіты начальнік войскаў радыяцыйнай, хімічнай і біялагічнай абароны УС РФ, генерал-лейтэнант Ігар Кірылаў. За аперацыяй ягонай ліквідацыі стаіць Служба бяспекі Украіны.

Пра гэта РБК-Украіна паведамілі ўласныя крыніцы.

Са звестак крыніц, самакат з выбухоўкай быў падарваны, калі Кірылаў з памочнікам заходзілі ў пад'езд дома на Разанскім праспекце ў Маскве. Яны абодва былі забітыя.

«Кірылаў быў ваенным злачынцам і абсалютна законнай цэллю, паколькі аддаваў загады выкарыстоўваць забароненую хімічную зброю супраць украінскіх вайскоўцаў. Такі бясслаўны канец чакае ўсіх, хто забівае ўкраінцаў. Адплата за ваенныя злачынствы непазбежная», - паведаміла інфармаваная крыніца.

Нагадаем, што яшчэ ўчора Служба бяспекі Украіны завочна абвясціла падазрэнне Кірылаву за масавае выкарыстанне забароненай хімічнай зброі супраць Сіл абароны на ўсходзе і поўдні Украіны.

Праваахоўнікі ўстанавілі, што на загад Кірылава з пачатку поўнамаштабнай вайны зафіксавана больш за 4,8 тысячы выпадкаў выкарыстання ворагам хімбаепрыпасаў з рэчывамі раздражняльнага дзеяння - CN і CS («слезацечны газ»). Пра іх выкарыстанне адкрыта расказвалі расейскія каналы.

Першымі аб падрыве, у выніку якога быў забіты генерал арміі РФ і ягоны памочнік, напісалі расейскія прапагандысцкія каналы. У медыя ўжо звярнулі ўвагу, што Кірылаў - трэці генерал-лейтэнант, забіты падчас вайны з Украінай і першы з такім рангам, які загінуў у тыле.

Адыёзны расейскі генерал пасля пачатку ўварвання некалькі разоў выступаў з заявамі аб так званых "амерыканскіх лабараторыях" ва Украіне, якія нібыта распрацоўвалі "біялагічную зброю". У кастрычніку Кірылаў абвінаваціў Кіеў у выкарыстанні хімічнай зброі супраць “шэрагу расейскіх лідараў грамадскай думкі”.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com