Былы зяць Мішусціна стаў «грыбным каралём» Расеі

Пасля таго, як прэм'ер РФ абнуліў для гэтай галіны падатак на прыбытак.

Прадпрымальнік Аляксандр Удодаў, які доўгі час быў жанаты з сястрой прэм'ер-міністр РФ Міхаіла Мішусціна, летась атрымаў кантроль над тульскай грыбной фермай "Аграгрыб" і стаў найбуйнейшым вытворцам грыбоў у Расеі, высветліў The Bell.

Да ўгоды, якая адбылася ў верасні 2023 года, ва Удодава, які валодае дэвэлаперскім холдынгам «Афора дэвелапмент», ужо быў грыбны бізнэс – адкрытая ў 2017-м ферма ў Курскай вобласці пад назвай «Грыбная вясёлка». Пасля пакупкі «Аграгрыба» пад кантролем Удодава была вытворчасць больш за 45 тысяч тон грыбоў на год.

Для параўнання: найбліжэйшы канкурэнт, кампанія "Варонежскі шампіньёны", вырабляе блізу 24 тысяч тон на год, а агульныя магутнасці расейскіх вытворчасцяў складалі на канец 2022 года 128 тысяч тон.

Удодаў атрымаў кантроль над «Аграгрыбам» праз топ-мэнэджараў сваёй кампаніі і блізкіх бізнэсоўцаў. 30% кампаніі атрымаў гендырэктар і мінарытарны партнёр Удодава з «Грыбной вясёлкі» Алег Логвінаў. Яшчэ 35% перайшлі да генеральнай дырэктаркі «Афора дэвэлапмент» Удодавай Кацярыны Галанінай. Астатнія 35% запісаны на былога гендырэктара «Афоры» Антона Ганчарова.

У лістападзе 2020 года прэм'ер Мішусцін падпісаў пастанову, якая прызнае грыбы сельгаспрадукцыяй. Для галіны гэта азначала зніжэнне стаўкі падатку на прыбытак да 0 адсоткаў. Удодаў на той момант ужо развіваў грыбны бізнэс і яшчэ быў жанаты з сястрой Мішусціна Наталлі Сцянінай. На развод пара падала 18 снежня 2020 года - праз месяц пасля падпісання пастановы аб грыбах і праз некалькі дзён пасля выхаду расследавання, у якім гаварылася, што Удодаў мог быць датычны да найбуйнейшага крадзяжу ПДВ у Расеі.

Пасля падпісання пастановы даход «Грыбнай вясёлкі» вырас з 2,58 млрд руб. у 2020 годзе да 3,7 млрд руб. у 2021-м і 4,62 млрд руб. у 2022-м. Упершыню кампанія выйшла ў плюс праз год пасля абнулення падатку на прыбытак і зарабіла 4,29 руб. У той жа час аб'ём вытворчасці кампаніі вырас з 20,2 тысяч тон у 2020 годзе да 32 тысяч тон у 2022-м.

Увесну 2023 года «Грыбная вясёлка» таксама набыла 33% у вытворцы міцэлію (матэрыял для вырошчвання грыбоў) «Сантана» для забеспячэння росту вытворчасці да 80 тысяч грыбоў на год.