19 красавiка 2024, Пятніца, 20:48
Падтрымайце
сайт
Сім сім,
Хартыя 97!
Рубрыкі

Сіманьян на дне

1
Сіманьян на дне

Прапагандыстка імкліва губляе аўдыторыю ў РФ.

Пасля двух гадоў вяшчання на частотах «Эха Москвы» прапагандысцкае радыё Sputnik знаходзіцца ў самым хвасце рэйтынгаў, паказваюць звесткі даследчай кампаніі Mediascope.

Радыё Sputnik у Расеі слухаюць усяго 1,9% грамадзян, вынікае са свежых звестак Mediascope за другую палову 2023 года. Для параўнання, у другой палове 2021 года рэйтынг «Эха Москвы» складаў 5,1%. У Маскве разрыў яшчэ большы. Рэйтынг прапагандысцкай станцыі Сіманьян складае 2,2%. «Эхо Москвы» ж да закрыцця ў сталіцы слухалі 9,3% жыхароў. «Эхо» ўваходзіла ў тройку самых папулярных FM-станцый Масквы, саступаючы толькі «Авторадио» і «Евопе плюс». А Sputnik зараз займае пятае месца з канца.

Sputnik саступае абсалютна ўсім размоўным станцыям – пачынаючы ад «Коммерсанта FM» і заканчваючы «Радио России». І слухаюць стварэнне Сіманьян усё горш: за два гады вяшчання станцыя страціла дзясятую частку аўдыторыі.

Нізкія рэйтынгі станцыі Сіманьян могуць быць звязаныя, апроч іншага, з адсутнасцю там яркіх вядоўцаў. Пасля закрыцця «Эха» практычна ўсім яго журналістам прапаноўвалі перайсці на Sputnik. Экс-вядоўца «Эха» Майкл Накі ў інтэрв'ю Дзмітрыю Гардону распавядаў, што на гэтую прапанову ў выніку адгукнуўся ўсяго адзін вядоўца - Аляксей Асін, які заўсёды адрозніваўся кансерватыўнымі поглядамі.

З прапагандыстаў куды лепшыя справы ў «Вестей FM». Станцыя не ўваходзіць у пяцёрку самых папулярных у РФ, але яе слухае блізу 8,5% аўдыторыі. Але за год і яе паказчыкі знізіліся.

Тэлеграм-канал «Можем объяснить»

Напісаць каментар 1

Таксама сачыце за акаўнтамі Charter97.org у сацыяльных сетках